Atalanta ka rritur një fitore të bindshme këtë fundjavë, ku përballë kishte Spezian e Rei Manajt, në takimin që u mbyll në shifrat finale 5-2.
Kjo mund të konsiderohej dhe si përballja e shqiptarëve, pasi gjithashtu për Atalantën në fushë ishte mbrojtësi i kombëtares Shqiptare, Berat Gjimshiti, i cili luajti si titullar gjatë të gjithë kësaj ndeshje.
Miqtë e Spezias ishin të parët që zhbllokuan rezultatin në minutën e 11’ falë golit të Nzola, por menjëhrë do të ishin dy golat e Palasiç dhe ai i Zapatës që do ti dërgonin shifrat e pjesës së parë në 3-1.
Sërish në pjesën e dytë Atalanta do të kërkonte të ruante avantazhin, dhe thellimin e tij arriti ta realizojë vetëm në minutën e 83’ falë golit të Muriel, për tu pasuar edhe nga Malinovsky.
Nzola për Spezian do të shënonte sërish, duke i dërguar shifrat finale në 5-2, por në pamundësi për të bërë ndryshim, në përballjen që i dhuron tre pikë të plota Atalantës së Gjimshitit, që tashmë e gjen veten në pozitën e katërt të tabelës së Serie A, me 25 pikë, menjëherë pas Interit, me po kaq pikë në renditje.
Discussion about this post