Një 38-vjeçar ka mbetur i plagosur mbrëmjen e djeshme në qytetin e Vlorës, pasi ndaj tij ishte organizuar një atentat. Mësohet se i është bërë pritë para banesës dhe është qëlluar me armë zjarri 38-vjeçari Edison Begaj.
Begaj është qëlluar më 4 plumba dhe si pasojë ka mbetur i plagosur në këmbë, ndërsa aktualisht ndodhet në spital nën kujdesin e mjekëve.
Ngjarja ka ndodhur mbrëmjen e djeshme në fshatin Kaninë të Vlorë, rreth orës 23:30.
Edison Begaj nuk është një emër i panjohur për drejtësinë. Ai është i dënuar për drogë më 7 vite e 6 muaj burg në shkurt të 2008, ndërsa ka qenë edhe subjekt i OFL-së në lidhje me pasurinë e tij.
