Gazetari Artan Hoxha ka dhënë të tjera detaje për vrasjen e 27-vjeçarit, Aleksandër Sadikaj në një atentat mafioz në afërsi të rrethrrotullimit të TEG. Gazetari zbulon se nga shpërthimi i fuqishëm janë shkundur vilat ku banojnë oligarkët dhe vipat e Shqipërisë, në periferi të Tiranës. Ndër të tjera, Artan Hoxha thekson se shpërthimi ndodhi në rrugën që përdor eskorta e kryeministrit Edi Rama për ta shoqëruar nga shtëpia në punë, çdo mbrëmje.
“Tirana, qyteti Europian i rinise 2022… Kjo është rruga, që kryeministri shkon çdo dite nga shtëpia në pune, dhe kthehet çdo mbrëmje në banesën e tij, në periferi të kryeqytetit…. Nuk po them se atentati mafioz me shpërthim të fuqishëm eksplozivi, qe i mori jetën 27 vjeçarit Aleksander Sadikaj, është degjuar forte duke tronditur dhe vilat me luksoze në rezidencat aty pranë, ku banojnë oligarkët apo vipat e Shqipërisë… Asnjë nuk është aq i sigurt sa mendon, asgjë nuk është aq e sigurte sa duket… Por sot, vrasësit, të paktën u kujdesen te mos shkaktonin viktima te tjera…“, shkruan gazetari.
Kujtojmë që 27-vjeçari Sadikaj humbi jetën si pasojë e hemoragjisë, ndërsa gjatë shpërthimit me tritol iu prenë dhe gjymtyrët (këmbët).
Discussion about this post