“Jam informuar për të shtënat në mitingun e Donald Trump në Pensilvani.
Jam mirënjohës që dëgjoj se ai është i sigurt dhe po shkon mirë. Unë jam duke u lutur për të dhe familjen e tij dhe për të gjithë ata që ishin në tubim, ndërsa presim informacione të mëtejshme.
Jill dhe unë i jemi mirënjohës Shërbimit Sekret. Nuk ka vend për këtë lloj dhune në Amerikë. Ne duhet të bashkohemi si një komb për ta dënuar atë”, shkruan Biden, ndërsa thekson se të gjithë duhet të dënojnë skenat e dhunshme në Pensilvani.
Ai tha se shpresonte të fliste me Donald Trump më vonë, duke shtuar se ai ishte informuar plotësisht për atë që ndodhi.
“Unë jam përpjekur të telefonoj Donaldin. Ai është me mjekët e tij,” tha Biden.
“Ne nuk mund të lejojmë që kjo të ndodhë. Ne nuk mund të jemi kështu. Ne nuk mund ta pranojmë këtë,” shtoi ai.
Edhe ligjvënësit nga të dyja anët e politikës amerikane dënuan menjëherë atentatin ndaj kandidatit të pritshëm republikan për president Donald Trump gjatë një tubimi të shtunën.
“Ky akt i tmerrshëm dhune politike në një tubim paqësor fushate nuk ka vend në vendin tonë dhe duhet të dënohet unanimisht dhe me forcë,” tha kryetari i Dhomës së Përfaqësuesve, Mike Johnson.
Senatori republikan Marco Rubio, një nga personat e përmendur si kandidat i mundshëm i zotit Trump për nënpresident shkuajti në platformën X duke postuar një fotografi të agjencisë AP të zotit Trump të gjakosur me komentin “Zoti e mbrojti Presidentin Trump”.
Edhe Senatori republikan Ted Cruz postoi foton në X, duke e quajtur reagimin e zotit Trump “të jashtëzakonshme”.
“Zoti e bekoftë Presidentin Trump”, u shpreh ai.
Udhëheqësit demokratë të Senatit dhe Dhomës së Përfaqësuesve dënuan menjëherë dhunën politike.
“Është e tmerrshme ajo që ndodhi në tubimin e zotit Trump në Pensilvani dhe jam i lehtësuar që ish-Presidenti Trump është mirë. Nuk ka vend për dhunë politike në vendin tonë,” tha udhëheqësi i shumicës demokrate në Senat, Chuck Schumer në platformën X.
Udhëheqësi i demokratëve në Dhomën e Përfaqësuesve, Hakeem Jeffries, shkroi në X: “Amerika është demokraci. Dhuna politike e çfarëdo lloji nuk është asnjëherë e pranueshme”.
Udhëheqësi i pakicës republikane në Senat, Mitch McConnell u shpreh: “Sot, të gjithë amerikanët ndjehen të lehtësuar që Presidenti Trump duket se është mirë pas një sulmi të neveritshëm gjatë një tubimi paqësor. Dhuna nuk ka vend në politikën tonë.”
Discussion about this post