Mbrëmjen e sotme rreth orës 19:30, në vendin e quajtur “2 rrathët” në Unazë të Re, është bërë atentat me kallashnikov ndaj Erigers Mihasit, 32 vjeç dhe Armando Dumanit, 26 vjeç. Si pasojë e plagëve të marra në kokë, viktimat kanë ndërruar jetë menjëherë në mjetin që po lëviznin tip “Audi A8”.
Deri më tani nuk dihen autorët, por sipas dëshmitarëve në vendngjarje, të shtënat kanë dalë nga një mjet në lëvizje dhe pas atentatit mësohet se janë larguar drejt ish-sheshit “Shqiponja”.
Ndërkohë, rreth orës 20:00 është gjetur një mjet tip “Toyota” i djegur në Thumanë, në një zonë të pyllëzuar. Në mjetin e djegur janë gjetur dy kallashnikovë pa silenciator. Makina dyshohet të jetë e përdorur nga autorët e atentatit në Tiranë, ndërsa sipas informacioneve të siguruara nga mediat, targa “AA 532 ON” e mjetit të djegur, rezulton e vjedhur disa muaj më parë.
Dy viktimat, të cilët jetonin në zonën e Yrshekut të Tiranës, janë të njohur për policinë e shtetit, pasi janë akuzuar më parë për vepra të ndryshme penale.
Erigers Mihasi, i njohur ndryshe si “boli”, njihet si personash i botës së krimit, i liruar në muajin korrik 2019 nga prokuroria e Gjirokastrës për mungesë provash në ngjarjen e dhunimit dhe grabitjen e prindërve të Elton Çiços.
Ai gjithashtu dyshohej nga prokuroria si personi kryesor që ka qëlluar me armë zjarri ndaj kushërinjve Mumajesi në Tiranë. Mihasi në këtë krim ka bashkëpunuar ngushtë edhe me Santiago Malkon, i cili mbeti i vrarë me 10 plumba në zonën e Porcelanit. Goditja me armë e Rivelino dhe Juxhin Mumajesi, si dhe plagosja e mikun të tyre, Ibrahim Durollari, ka ndodhur gati një vit pasi Erigres Mihasi shok i Ervis Martinaj, dyshohet se është përfshirë në një ngjarje tjetër kriminale në Laç, ku ka mbetur i plagosur Rudolf Toma, në vitin 2017, ky i fundit punonjësi bashkisë së Kurbinit.
Fabian Gaxha, mik i Ervis Martinaj i mbetur i vrarë në masakrën e 4 tetorit 2018 në zonën e ish-bllokut ka qënë pjesë e këtij grupi prej pesë persona që ka sulmuar me armë grupin e të rinjve në qytetin e Laçit. Së bashku me Gaxha, policia e Laçit ka ngritur dyshime të forta se ka qenë dhe Elio Hato dhe Erigres Mihasi, edhe këta të fundit shokë të biznesmenit Ervis Martinaj.
Edhe viktima e dytë Armando Dumani, është i njohur për policinë. Dumani në vitin 2012 është arrestuar nga një operaion i koduar “Sfida” në Vlorë pasi ka bashkëpunuar me 5 persona të tjerë nga Vlora në një sërë grabitjesh të bankave, kazinove dhe të subjekteve të tjera gjatë viteve 2010-2012 në Vlorë.
Në vitet 2010-2011 dhe 2012 Armando dhe shokët e tij kanë vjedhur nën kërcënimin e armës në 7 raste, banka dhe lokale lojërash fati. Rastet e dokumentuara të policisë janë vjedhjet me armë në kazinonë “APEX”, të ndodhura më 24 dhjetor 2010, më 25 nëntor 2010, si dhe ajo e kazinosë “ADMIRAL” më 27 mars 2011.
Ai gjithashtu më 24 prill 2011 ka qenë i akuzuar për grabitjen e “Pro Credit Bank” dhe më pas të “Raiffaisen Bank”, më 8 mars të këtij viti.
Ergers Mihasi është babai i tre fëmijëve, dy vajzave 2 djemve dhe një vajze të vogël.
Discussion about this post