Një automjet tip “mazda”, totalisht i shkrumbuar është gjetur gjatë orëve të natës në zonën e Derëzezës në fier. Dyshimet e para janë se ka lidhje me ngjarjen e ndodhur dy ditë më parë në Vlorë, gjithsesi veprimet janë duke u kryer nga policia e fierit dhe ajo e Vlorës në bashkëpunim për të zbardhur ,ë shumë rreth ngjarjes dhe për të zbuluar nëse ngjarjet kanë lidhje me njëra-tjetrën.
Kujtojmë se me datë 19 një shpërthim i fortë me lëndë plasëse ka tronditur zonën e Lungomares, ku i plagosur rëndë ka mbetur, biznesmeni Endri Sadedinaj. Ngjarja ka ndodhur në lagjen “10 korriku”, ku biznesmeni 34-vjeçar mendohet se ka qenë shënjestra e atentatit të ndodhur. Si pasojë e shpërthimit, 34-vjeçari ka marrë plagë të rënda në gjymtyrë dhe në fytyrë, e është dërguar me urgjencë në spitalin e Traumës në Tiranë ku edhe ndodhet në gjendje të rëndë.
Discussion about this post