SPAK dërgon për gjykim dosjen ndaj Amarildo Nikolli Xhanej, i cili akuzohet për armëmbajtje pa leje në kuadër të grupit kriminal.
I riu nga Shkodra në bashkëpunimin me Leonard Luzin, Muharem Koroveshin (alias Muharem Ismaili alias Muharem Myftaraj) dhe Erio Zejnon akuzohen po planifikonin vrasjen e Ervis Matodashaj dhe Inez Hajrulla në qytetin e Vlorës.
Hetimet e SPAK por edhe dëshmia e Amarildo Nikollit zbuloi se krimi do të kryhej për hakmarrje dhe për marrjen në kontroll të lojërave të fatit.
Për këtë qëllim, sipas hetimeve, Leonard Luzi, ka krijuar një grup të strukturuar kriminal, ku Amarildo Nikolli, që do të ishte ekzekutori, si dhe të pandehurit Muharem Koroveshi, dhe Erio Zejno, në rolin e ndihmësit.
Sipas SPAK, Koroveshi, dhe Erio Zejno, kanë sjellë armët në banesën e Amarildo Nikolli në Vlorë, kanë ndihmuar në terren me gjetjen e personave të cilët ishin objektiv i atentatit, si dhe do të ndihmonin ekzekutorin, në largimin nga vendi i ngjarjes (pas kryerjes së vrasjes).
Vrasja e shtetasve Ervis Matodashaj dhe Inez Hajrulla, nuk u bë e mundur, pasi në datën 07.08.2023, në orën 12:47, në lagjen “Uji Ftohtë”, në qytetin e Vlorës, gjatë kontrollit fizik kryer ndaj Amarildo Nikolli, i janë gjetur dhe sekuestruar në cilësinë e provës materiale: një pistoletë e markës Pietro Beretta me një silenciator, me karikator të mbushur me 14 fishekë, si dhe një fishek i futur në folenë e qitjes.
Dyshohet se ditën e arrestimit të tij, i Amarildo Nikolli, kishte dalë pikërisht për të finalizuar krimin e porositur prej të Leonard Luzi.
Pas arrestimit, Amarildo Nikolli vendosi të bashkëpunojë me drejtësinë dukë përfituar statusin e te penduarit.
Discussion about this post