Pasditen e së martës janë zbardhur të tjera detaje në lidhje me ngjarjen e rëndë që goditi Elbasanin mbrëmjen e shkuar.
Sipas burimeve nga uniformat blu, kamerat e sigurisë kanë filmuar gjithçka, por zbardhja e ngjarjes mbetet e vështirë për shkak se autorët dyshohet të kenë qenë të maskuar e me paruke. Ky fakt po vështirëson punën e grupit hetimor në Elbasan, pasi e ka të pamundur të identifikojë autorët. Të njëjtat burime gjithashtu bëjnë me dije se autorët kanë qenë 3, por nuk dihet se si janë larguar pas djegies së mjetit.
Ardjan Çollaku e Lulzim Bitri, kanë qenë në shoqërinë e një tjetër personi në momentin e ngjarjes, por nuk ka informacione më tej rreth tij. Gjithashtu bëhet me dije se ai është marrë në pyetje në komisariat, atje ku ka dhënë dhe të tjera informacione rreth atentatit.
Pistat që tashmë janë duke u hetuar nga Policia e Shtetit mbeten hakmarrja, por nuk përjashtohet dhe prishja e pazareve të drogës.
