Deputeti i PD, Luan Baçi u shpreh se pjesëmarrja në protestën e 11 shkurtit ishte masive duke e konsideruar si armën më të rëndësishme ndaj qeverisë.
Baçi u shpreh se kryeministri Rama “fshihet si mi nëpër vrima” kur ka protesta.
Ndër të tjera, ai akuzoi kryeministrin se po i mbyll opozitës çdo rrugë komunikimi dhe se në Parlament ka vënë një kryetare kukull që shkel rregullat.
“Protesta ishte e qytetarëve e kërkuar nga qytetarët me një mesazh shumë të qartë, po flitet nga analistë të ndryshëm duke e anatemuar protestën si një veprim të opozitës që nuk sjell gjë por ajo është arma më e fuqishme e opozitës që përdor kundër pushtetit, ajo ishte masive me pjesëmarrje, kjo bën diferencën. Ishte protestë e parë dhe do të vazhdojë protesta nuk bëhet për të rrëzuar Ramën se ai fshihet si mi nëpër vrima, ne e dimë mirë këtë që qeveria bie me votë por protestat janë mjet se nuk ka mbetur gjë tjetër.
Rama me te vetët mundohet të mbyllë çdo hapësirë të na pengojë të komunikojmë, parlamentin e ka uzurpuar nga një kryetare kukull që shkel rregullat përditë. Sot që ne flasim kemi një seancë të rëndësishme sepse sjellim shqetësimet e qytetarëve në parlament. E vetmja gjë që kemi është fjala por Rama na e mori. Kishim katër deputetë të përjashtuar, tashmë janë tetë deputetë me një vendim absurd të përjashtuar me një vendim qesharak se janë shqetësuar kur në folëm me radhë”, tha deputeti i PD.
Discussion about this post