Ministri i Brendshëm, Taulant Balla është takuar me strukturat e policisë në Durrës.
Gjatë takimit, Balla ka kërkuar që t’i garantohet çdo qytetari pushime të qeta e të sigurta në Shqipëri.
Ai theksoi se akti i policit Redin Çaushajt, i cili u plagos teksa ndërhyri për të ndarë një sherr jashtë shërbimit, duhet të rrisë motivimin e tyre.
“Durrës, E nisa ditën me efektivët e Policisë së Shtetit të të gjitha departmenteve Policisë së Kosovës Polizia di Stato🇮🇹 të angazhur në garantimin ndaj çdo pushuesi të pushimeve të qeta, të bukura dhe të sigurta në Shqipëri🥇Mirënjohje për profesionalizmin e kësaj trupe dhe ju garantoj për gatishmërine time për të qenë çdo moment pranë policisë me mbështetje, do të takoj secilin prej jush, duke i dhënë secilit dhe secilës mundësinë të shpalosë aftësitë e veta për të bërë së bashku më të mirën.
Akti i Redin Çaushajt, oficeri i ri i Policisë së Shtetit, i cili bëri detyrën edhe jashtë orarit të shërbimit, duhet t’ju rrisë motivimin, duke ju ndarë përfundimisht nga ajo dilema “ç’më duhet mua”. Faleminderit”, shkroi ministri Balla në një postim në Facebook.
Discussion about this post