Ish-deputeti Klevis Balliu i është përgjigjur Sekretarit të Përgjithshëm të PD-së Gazmend Bardhi, në lidhje me debatin nëse Basha i ka mbledhur apo jo firmat e nevojshme për të grumbulluar Kuvendin Kombëtar të PD.
Por, për Balliun kjo deklaratë është qesharake, ai i kujton Bardhi se me pozicionin që zotëron e ka për detyrë të bëjë verifikim e firmave. Përmes një postimi në Facebook, Balliu shkruan se Janë 4200 firmat dhe të tjera po vijnë.
“Gazmend Bardhi tha dje që duhet ti verifikojmë firmat e mbledhura dhe që Berisha nuk na jep mundësi. Jo Zoti Bardhi, strukturat e PD mund ti verifikojnë jo vetëm tani por edhe gjatë Kuvendit. Me të dhënat personale si numri i kartës së identitetit dhe gjithçka verifikohet, por ato nuk mund të bëhet publike për mediat në mbrojtje e të dhënave personale pasi ajo është shkelje ligjore dhe kushtetuese. Ndërsa organet e partisë patjetër që po, mund ti kenë dhe mund ti verifikojnë. Janë 4200 firmat dhe të tjera po vijnë. Vazhdojmë përpara për një Parti Demokratike më të fortë, më të hapur dhe më të bashkuar”, shkruan ai. Bardhi deklaroi mbrëmjen e djeshme se Berisha nuk kishte mbledhur kuotën e duhur të firmave për thirrjen e Kuvendit Kombëtar të PD-së.
Discussion about this post