Kryetari i Partisë Demokratike, Sali Berisha deklaroi sot se Ballkani i Hapur është asgjësim i shtetit të Kosovës.
Teksa flet për raportet e Rama-Vuçic Berisha tha se kryeministri shqiptar bën avokatin e Serbisë dhe presidentit serb Aleksandër Vuçiç.
“Divizionet shqiptare shkuan aty dhe u pritën me flamurin e bashkimit kombëtar, ndërsa ata shkuan me flamurin e bashkimit të vllazërimit me serbët. Ajo kulmoi me një genocide të tmerrshëm, masakrën e Tivarit. U vranë me mijëra në Mal të Zi, por qindra syresh u vranë edhe nga Kukësi gjer në Shkodër, vetëm e vetëm se ishin nacionalistë shqiptarë. Sot jemi në të njëjtën situatë. Beogradi qeveriset nga një udhëheqës dokrinar në genocid. Vuçiç ka thënë në Parlament “për një serb do vrasim 100 myslymanë”. Tani në vend që Shqipëria të përdorë të gjithë forcën diplomatike të saj për ta dërguar në Hagë Vuçiçin, shndërrohet në avokat të tij në çdo takim, përfshi samitin e NATO-s”, shprehet Berisha.
Ndër të tjera kryetari i PD-së u shpreh se Tirana është kthyer në një Beograd të vogël.
“Në qoftë se ka një gjë që duhet të ndajë njeriun e qytetëruar nga njeriu primitive është qëndrimi ndaj genocidit. Çfarë ndryshimi ka udhëheqësi ynë në Tiranë me udhëheqësin e Beogradit? A nuk tha Ana Brnabic të njëjtat fjalë që tha Rama për masakrat në Kosovë? Në qoftë se në 1945 projekti ishte që Kosova është më e sigurt me Jugosllavinë, por edhe ne do shkojmë drejt saj me Titon sekretar të parë, çfarë po ndodh tani? Ballkani i Hapur është asgjësimi i shtetit të Kosovës”, shprehet Berisha.
Deklaratën ai e bëri gjatë promovimit të librit “Kurrë mos harro”, gjenocidi serb mbi shqiptarët nga viti 1844 – 1999.
Discussion about this post