Ballkani fiton ndeshjen me mjaft tensione që u shkaktuan nga tifozët “Xhebrailat” në tribunat e stadiumit.
Skuadra nga Theranda ka arritur të trimfojë me rezultatin 2-0 ndaj Llapit nga Podujeva, në derbin e javës së pestë të Superligës Kosovare.
Sjellje të pahijshme të disa tifozëve vendas të grupimit “Xhebrailat”, ofenduan kryetrajnerin e Llapit, Tahir Batatina, ku në minutën e 22 nisën thirrjet ofenduese ndaj trajnerit, ndërsa në minutën e 26 forcat e rendit zbarkojnë në fushë për ti larguar këta tifozë nga shkallet e stadiumit, por nuk është mjaftuar me kaq.
Policia ka zbrazur të tërë stadiumin, me arsyen që ishte për shkak të numrit të lartë të tifozëve të pranishëm. Kjo erdhi sepse sipas rregullave të reja të qeverisë, lejohen vetëm 5% të tifozëve në stadium.
Ballkani ka shënuar fitore me golat e futbollistit Ermal Krasniqit në minutën e 13-të dhe 90’, me Llapin që në minutën e 72’ do të mbeste me 10të lojtarë pas ndëshkimit me karton të kuq të Arbnor Ramadanit.
Tani Ballkani kryeson Superligën Kosovare me 11 pikë, ndërsa llapi gjëndet në pozicionin e nëntë me vetëm dy pikë dhe pa asnjë fitore.
