Presidenti i Serbisë Aleksandër Vuçiç vjen sot në Tiranë, në kuadër të takimit të radhës për “Ballkanin e Hapur”. Kjo nismë do të bëjë bashkë më kryeqytetin shqiptar tre drejtues shtetesh, Vuçiç, kryeministrin e Maqedonisë së Veriut, Zoran Zaev, edhe të zotin e shtëpisë, Edi Ramën.
Zaev dhe Vuçiçi të shoqëruar nga disa ministra të tyre dhe krerët e dhomave të tregtisë së vendeve të tyre do mbërrijnë në Tiranë pasditen e sotme. Ditën e parë është parashikuar një darkë zyrtare në një resort në qytetin e Elbasanit, i njëjti ku u zhvillua mbledhja e 2 qeveri Shqipëri-Kosovë, ku do jenë të pranishëm dhe një përfaqësues i Këshillit Atlantik Jim O’Brien si dhe Alex Soros, drejtuesi i fondacioni Shoqëri e Hapur. Të martën takimi do të nis në orën 9 në pallatin e Brigadave.
Takimi zyrtar nis ditën e nesërme në pallatin e Brigadave në orën 09:00, ku Zaev dhe Vuçiçi të shoqëruar nga disa ministra të tyre dhe krerët e dhomave të tregtisë së vendeve do të nisin punën me delegacionin shqiptar të udhëhequr nga kryeministri Rama. Ekipeve të 3 vendeve do t’i bashkohet dhe komisioneri për zgjerim Oliver Varhely online, drejtori i Ceftës Emir Djikic, si dhe Sekretarja e përgjithshme e Këshillit i Bashkëpunimit rajonal.
Marrëveshja e parë që do të nënshkruhet nga Rama, Vuçiç e Zaev është për kushtet për aksesin e lire në tregun punës, po ashtu do firmoset edhe akordi për skemat e përbashkëta për identifikimin elektronik të qytetarëve në pikat kufitare, për bashkëpunimin në fushën e sigurisë ushqimore, për njohjen e ndërsjelltë për operatoret ekonomi. E në fund, ashtu siç është bërë traditë, takimi pritet të mbyllet me konferencën për shtyp traditë, të tre liderëve.
Nga ana tjetër, ditën e sotme në orën 16:00, Berisha do të mbledhë mbështetësit e tij dhe do të zhvillojë një marshim nga selia e Partisë Demokratike drejt Kryeministrisë.
Discussion about this post