213 familje në fshatin Moravë kanë dalë sot në një protestë në lidhje me shpronësime në pistën e aviacionit të Kuçovës. Ata shprehen për mediet se nuk janë dakord në lidhje me shpronësimet e tokave pasi shkresa që ka mbërritur nga Ministria e Mbrojtjes flet për një kompensim minimal. Ata tregojnë se toka do iu shpronësohet me 2 milionë lekë dylimi dhe ato nuk janë dakord, pasi e konsiderojnë të pamjaftueshëm.
Ata tregojnë se janë ankuar për këtë shpronësim, por se asnjëri nuk e ka marrë parasysh kërkesën e tyre dhe për këtë ata fajësojnë ministrinë, duke thënë se neglizhon përgjegjësisë e saj. Banorët deklarojnë se nuk do të lejojnë t’ju merret shtëpia, serat dhe toka me këtë çmim. Ata theksojnë se nuk do të largohen nga pronat e tyre dhe paralajmërojnë se do të përshkallëzojnë reagimin, duke protestuar edhe para Ministrisë së Mbrojtjes.
Discussion about this post