Ylli i Arsenal, Gabriel luftoi me një grup grabitësish, të cilët me shkop bejsbolli tentuan t’i vidhnin makinën nga garazhi i tij.
Hajdutët ndoqën qendërmbrojtësin në shtëpi përpara se t’i kërkonin çelësat, telefonin dhe orën e futbollistit teksa ai doli nga Mercedesi i tij.
Pamjet tronditëse treguan grabitësin me kapuç, Abderaham Muse, duke u hedhur drejt brazilianit me shkop metali bejsbolli.
Por ylli i ‘The Gunners’ e goditi atë në fytyrë para se të përballej dhe t’i kapte kapelen derisa grabitësi arriti të shpëtonte dhe u largua me bashkëpunëtorin e tij.
Ata kaluan me shpejtësi përpara një anëtari të tretë të bandës, i cili po sigurohej që portat elektronike jashtë shtëpisë të mbeten të hapura.
Muse, 26 vjeç, u burgos për pesë vjet muajin e kaluar pasi policia e lidhi atë me grabitjen në gusht përmes ADN-së nga kapela që i kishte rënë gjatë përleshjes.
Pamjet e marra nga garazhi i mbrojtësit 23-vjeçar treguan se Mercedesi i zi tërhiqej në garazhin në shtëpinë e tij në Barnet, në Londrën e Veriut përpara se të dilte me shokun e tij, Rodrigo Tavares.
Pasi grabitësit iu afruan çiftit, Gabriel, i cili iu bashkua krahut të Artetës nga Lille vitin e kaluar, i mban duart në ajër, heq orën dhe ia dorëzon hajdutit me çelësat e makinës së tij./K.T/Gijotina.com
Discussion about this post