Sekretari i Përgjithshëm i Partisë Demokratike, Gazment Bardhi, ka dëshmuar sot në Prokurorinë Tiranë rreth protestës së 8 janarit. Pasi ka përfunduar dëshminë e tij prej dy orësh, Bardhi ka dhënë një prononcim për mediat, ku tregoi se dha shpjegim për çka ndodhi atë ditë dhe theksoi se i ka kërkuar prokurorisë zbardhjen e drejtë të ngjarjes dhe arrestimin e autorëve.
Më tutje Bardhi tha se institucionet nuk duhet të vonojnë procesin, sipas tij autorët nuk kanë turp ama në këtë rast nuk mund të fshihen. Më tutje ai theksoi edhe njëherë akuzat ndaj policisë, duke treguar se ndërhynë 40 minuta me vonesë në protestë.
“Kam dhënë shpjegimet e plota, ka vijuar ky bashkëpunim që në momentin e ngjarjes. Duke nisur që nga mësymja në PD, kontaktet me policinë. Kam kërkuar dhe kërkoj zbardhjen e plotë të çështjes. Autorët as nuk fshihen dhe as nuk skuqen dhe zverdhen, Berisha dhe një pjesë tjetër e individëve të përfshirë janë vetë identifikuar. Pres që të vendosen përballë përgjegjësisë, pavarësisht statusit. Kam informuar prokurorinë, se Policia u njoftua në 12 e 27 minuta, kam njoftuar më shumë se 7 herë zyrtarët e lartë të policisë, por ata kanë ndërhyrë 40 minuta me vonesë”, tha ai. Bardhi në ditën e protestës ka hedhur akuza të forta ndaj Berishës dhe mbështetësve të tij, ku shpesh ka publikuar video me pamje nga protesta, ku mbetën disa të lënduar.
Discussion about this post