Ndonëse në përplasjen Berisha-Basha ka mbajtur anën e këtij të fundit, Gazment Bardhi nuk e ka mohuar respektin që ka dhe admirimin që ka pasur për liderin historik të PD, Sali Berishën.
Bardhi tha para mediave se ai është rritur me fotografinë e Berishës në shtëpi, në një qytet që është bastion i demokratëve, Kavajën.
“Këtë nuk e bëj dot. Puç është kur shkel rregullat. Kuvendin e thërret ¼ e anëtarëve. Të dhënat mbahen konfidenciale, se nuk janë firmat. Nuk është për halle personale kjo parti. I ndjejmë këto halle se edhe unë kam shprehur keqardhjen për vendimin ndaj liderit historik të PD-së, unë jam rritur me foton e Sali Berishës në shtëpi në një qytet që është bastion i demokratëve. Hallet e demokratëve nuk janë çështje inati personal. As inate personale. Prandaj dhe e ri përsëris. Nëse duhet që të mbahet Kuvend i PD-së, gjykohet se ka nevojë për t’u mbledhur, ju lutem depozitoni firmat”, tha Bardhi.
Sipas tij, Komisioni i verifikimit të mandateve në Kuvendin Kombëtar nuk verifikon firmat për thirrjen e Kuvendit.
Discussion about this post