Kreu i Partisë Demokratike i bëri thirrje qytetarëve dhe mbështetësve të PD që të qëndrojnë të bashkuar kundër padrejtësive.
Basha u shpreh se Partia Demokratike sot është në luftë me modelin që sipas tij në Kuvend fut ushtarët e krimit.
Gjithashtu në këtë takim Basha u deklaroi se ka ardhur koha që të rinjtë shqiptarë të përfaqësojnë Shqipërinë në institucione të BE-së, duke u shtuar se kjo është një ëndërr e tij që pritet të bëhet realitet shumë shpejt.
“Ne nuk kemi për tu bërë kurrë si ata. Jemi dhe do mbetemi partia që lindi nga ëndrrat më të bukura për liri dhe demokraci. Jemi dhe do mbetemi partia e shqiptarëve që e duan Shqipërisë si gjithë Europa. Jemi partia që do ta realizojë këtë aspiratë. Unë dua Europën jo vetëm për mundësitë që ofron.
Por sepse kam një ëndërr dhe ajo është që shumë më shpejt se çmendon shumë kush të shohim të rinjtë e këtij vendi të përfaqësojnë vendin tonë në institucionet e BE-së. Këtë do ta bëjmë realitet së bashku dhe kjo do të jetë ora më e mirë e PD. Sot po ashtu kam thirrje për të gjitha ata që e kuptojnë rrezikun për demokracinë se janë të mirëpritur”, tha Basha.
