Kryetari i Partisë Demokratike, Lulzim Basha i është përgjigjur ish-kryeministrit Berisha, duke thënë se PD do të shkëpus lidhjet e politikës me krimin e korrupsionin, duan apo nuk duan “non gratat” e shpallur apo të pashpallur. Në regimin e tij, Basha shkruan se punonjësit e SPAK dhe BKH kanë dhe do kenë mbështetjen e plotë të PD për të ecur përpara me hetimin e çështjeve nën juridiksionin e tyre.
“Ndaj një gjë dua t’i siguroj gjithë shqiptarët përmes jush, përmes medias shqiptare, unë dhe PD jo vetëm jemi në dispozicion të drejtësisë belge në këtë rast por të drejtësisë në përgjithësi dhe do të vazhdojmë të jemi pro aktive në luftën kromit të organizuar, kundër lidhjes së politikës me krimin, korrupsionit, duan apo nuk duan të dyshuarit, të pandehurit, të korruptuarit, non grata e shpallur apo të pashpallur. Punonjësit e ndershëm të SPAK dhe BKH kanë dhe do kenë mbështetjen e plotë të PD për të ecur përpara me hetimin e çështjeve nën juridiksionin e tyre. Nuk janë vartësit e askujt përveç ligjit shqiptar kushtetutës dhe taksapaguesve shqiptar. Dhe një herë deklaroj mbështetjen e plotë ndaj tyre për të kryer detyrën në një luftë shumë të rreptë me krimi e organizuar sepse është bërë e tillë fale bashkëpunimit të qeverisë, të pushtetit dhe politikave të korruptuar dhe lidhur me krimin e organizuar” – shkruan Basha.
Kujtojmë që ditën e sotme ish-kryeministri, Sali Berisha, gjatë prezantimit të kandidatit të tij në qytetin e Vorës, tha se në Tiranë zbarkuan prokurorët belgë, e ndërsa theksoi se votimi i shtyrjes së organeve të Vetingut u bë qëllimisht para se Basha të shkonte në prokurori.
Discussion about this post