Lulzim Basha, në një postim në llogarinë e tij në Facebook, shprehet se më 13 qershor demokratët do t’i japin një përgjigje të qartë “regjimit Rama-Doshi”. Basha ka publikuar disa foto të shkrepura ditën e djeshme në takimin e radhës që ai ka bërë në kryeqytet në kuadër të fushatës që po zhvillohet për kreun e PD.
Ai shprehet se PD nuk do të heqë dorë nga Shqipëria dhe se do ta largojë “largojmë pakicën që ka ndaluar përkohësisht ndryshimin.”
Mes të pranishmëve në takim, bie në sy edhe prezenca e Ori Nebiajt e cila radhitej e 18 në listën e PD për zgjedhjet e 25 prillit por që nuk mundi të thyente herësin për t’u futur në Parlament.
POSTIMI
“Në 13 qershor demokratët do t’i japin një përgjigje të qartë regjimit Rama-Doshi: Ne nuk dorëzohemi. Ne nuk heqim dorë nga demokracia. Ne nuk heqim dorë nga Shqipëria. Ne do ta largojmë pakicën që ka ndaluar përkohësisht ndryshimin, që duan dhe meritojnë shqiptarët.”
