Kryetari i PD-së, Lulzim Basha foli sot çështjen e inceneratorëve në Kuvend. Nga foltorja ai akuzoi qeverinë për skemën, që e cilësoi kriminale, që sipas tij u zhvati shqiptarëve 400 mln euro.
“Kur mblidhesh në këtë sall dhe shikon rendin e ditës thua lum si ne, kur kalojnë ligje për mbrojtjen e fëmijëve thua lum ky popull. Kur shikon se çfarë ndodh në këtë vend, nga një grusht qeveritarësh, atëherë kupton se sa hipokrike, e pavlefshme është gjithçka që rrjedh përmes votimit të një pakice, nga mafia e plehrave nga krimi i organizuar. Ata zbrazin Shqipërinë. Në vend ka krizë ekonomike, të krizës së shpresës, të fëmjëve që duan të largohen nga vendi”- tha Basha nga Foltorja e Kuvendit.
Discussion about this post