Kryetari i Partisë Demokratike Lulzim Basha ka nsiur ditën e sotme me një mesazh shumë të rëndësishëm për qytetarët. Përmes një postimi në rrjetin social Facebook ka ndarë një mesazh për qytetarët shqiptarë një ditë pas mbledhjes që zhvilloi në Durrës. Dhe pse u prit me protestë, Basha thotë se demokratët janë të bashkuar me qëllimin për të ndërtuar një të ardhme më të mirë. Kryedemokrati shton se ndryshimi që është nisur nga vetja, është përcaktues për fatet e vendit pasi si do të jetë Partia Demokratike sot do të jetë Shqipëria nesër.
“Ditë pas dite shqiptarët po binden se demokratët janë të bashkuar në qëllimin e tyre për të ndërtuar një të ardhme më të mirë. Mënyra si ne shpalosim me qytetari vizionin që kemi për politikën, për luftën kundër korrupsionit, për zhvillimin e vendit, duke reflektuar me sinqeritet mbi të shkuarën tonë, për të davaritur hijet që na kanë ndarë nga pjesa më e shëndetshme e shoqërisë shqiptare. Ky ndryshim që kemi nisur nga vetja është përcaktues për fatet e vendit sepse si do të jetë Partia Demokratike sot, do të jetë Shqipëria nesër”, shkruan ai. Ndërsa në video shfaqen personat që mirëpresin Bashën dhe shprehen se kanë besimin që kjo krizë në PD do të përfundojë së shpejti.
Discussion about this post