Në deklaratën e tij nga Rrogozhina ditën e sotme Berisha ka folur edhe në lidhje me çështjen e “Toyota Yaris”. Duke përmendur faktin që Basha u morë në pyetje për më shumë se dy orë nga hetuesit belgë, Berisha tha se ata e paralajmëruan kreun e PD që të marrë avokatë të mirë, pasi do të përballet me ditë të vështira.
“Ferdinand ti duhet t’u shpjegosh demokratëve lidhjen e Lulzim Bashës me bandën kriminale “Toyota Yaris”. U ngrit në një rast të vetëm në historinë e jetës së tij në Kuvend. I thashë unë çfarë ishte kjo? Iku kjo. U hap hetimi, Edi Rama ia mbylli dosjen. Po nuk ia mbyll dot dosjen belge. I them bëj foto me cilin të duash, po dosja e Belgjikës do të dalë në dritë të diellit. Kur doli pas 2 orë hetimi i thanë dy gjëra, i thanë ky gënjen dhe nën betim. E dyta i thanë, njeh ndonjë avokat se do i kesh ditë të vështira. Doli dhe tha kam besim të madh tek njerëz të ndershëm të BKH dhe SPAK që kanë juridisikon që të trajtojnë çdo problem. Lul ata kanë juridiksion që të hetojnë, arrestojnë, marrin peng dhe të të çojnë atje. Lëri ato, bëj be gjithë ditën. Shpresë nuk ke”, tha ai.
Ndërsa iu bëri thirrje qytetarëve që të mos votojnë për njerëzit e Bashës, pasi do të jetë një votë e çuar dëm, duke qenë se një ditë ai mund të merret si i pandehur për çështje e bujshme.
Discussion about this post