Banorët e një pallati të ndërtuar para viteve ’90 në qendër të qytetit të Delvinës, kanë shprehur shqetësimin lidhur me rregullimin e çatisë që po i bëhet këtij objekti. Ata shprehen se çatia në e pallatit ku ata banojnë është ende tjegulla, teksa bëhet fjalë për katë familje që strehohen në këtë objekt.
Sipas tyre, ditët e fundit ka nisur të rregullohet çatia, por rregullimi ndodh vetëm në njërën familje të katit të dytë, duke mos e bërë këtë edhe për pjesën ku janë strehuar familjet tjera.
Këto punime të pjesshme kanë shkaktuar dëme në hyrjet e tjera, gjendje e cila është rënduar dhe nga shiu i rrëmbyeshëm i 24 orëve të fundit.
Lulzim Zhupa banor i katit të dytë dhe Liljana Zeka banore e katit të parë tregojnë problemin e tyre, ku për Liljanën gjendja paraqitet akoma më e vështirë, për shkak se ka një djalë 32-vjeçar të paralizuar, me të cilin jeton në shtëpinë që po i dëmtohet.
Përballë kësaj situate Bashkia Delvinë ka justifikuar punimet e pjesshme duke argumentuar se punimet nuk bëhen me fonde të bashkisë po pas një fondi nga një projekt dhe se bashkia ishte e pajisur vetëm dokumentet për familjen ku edhe bëhen punimet.
Discussion about this post