Nuk kanë fund tenderat me flamur të kuq, që janë në kundërshtim me ligjin e prokurimit. Radhën e ka Bashkia Kamëz, e cila përmes ujësjellës Kanalizime Bulqizë kërkon të blejë uniforma dhe veshje për punë me çmimin e “papranueshëm” prej 12 milionë lekë të vjetra.
Procedura publike i shpallur në 25 mars 2022, ka marrë “flamurin e kuq” nga “Open Data” me mbishkrimin: “Skualifikim i të gjithë operatorëve konkurrues përveç fituesit”.
Gijotina.com ka siguruar dokumentin e cila mban numrin e referencës REF-23008-03-24-2022 me fond limit 1 198 290,00 lekë të reja ose rreth 12 milionë lekë të vjetra.
Operatori që është shpallur automatikisht fitues është Gentian Sadiku, duke përjashtuar nga gara pa të drejtë Enean Masllavicën, me dy arsye të pajustifikueshme.
Sipas open data operatori i shkualifikuar, nuk ka paraqitur sigurimin e ofertës dhe nuk ka paraqitur bilancet e vitit 2020, 2021.
Për të shpallur fitues Gentian Sadikun, Masllavica u përjashtua me pretekstin se nuk ka plotësuar “Kriteret e veçanta për kualifikim”, ndërkohë që tenderi i hedhur vetë mban flamurin e kuq që është në kundërshtim me ligjin e prokurimit.
Pra, rreth 12 milionë lekë të vjetra Bashkia Kamzë do të shfrytëzojë përmes Ujësjellës Kanalizime për të blerë uniforma për punë, shumë e cila është e pajustifikueshme në krahasim me blerjen.
Discussion about this post