Bashkitë pa kryetar, KQZ i përgjigjet Metës: Janë tre, jo gjashtë

Bashkitë pa kryetar, KQZ i përgjigjet Metës: Janë tre, jo gjashtë

Komisioni Qendror i Zgjedhjeve i është përgjigjur kërkesës së presidentit të Ilir Meta, për informacion për bashkitë që rezultojnë pa kryetar në mënyrë që të vijohet me procedurat për zgjedhjen e krerëve të tyre.

Në shkresën zyrtare, kreu i KQZ bën me dije se vetëm tre bashki janë zyrtarisht pa kryetar Vora, Dibra dhe Shkodra pasi iu është hequr mandati nga KQZ dhe se për të tjerat, Lushnjën, Rrogozhinën dhe Durrësin, ende nuk ka informacion.

Ndërkohë që për rastet e bashkive të tjera, këshillat bashkiakë sipas ligjit kanë vënë në dijeni vetëm këshillin e ministrave dhe jo Komisionin Qendror të Zgjedhjeve. Kështu, në shkresë i kërkohet presidentit që t’i drejtohet Këshillit të Ministrave për të marrë informacion për bashkitë e tjera.

Disa ditë më parë, presidenti Meta deklaroi se menjëherë pasi KQZ të jepte informacionin për bashkitë pa kryetar, do të shqyrtonte datën për mbajtjen e zgjedhjeve të parakohshme lokale.