Në janar 2023, Bayerni i Mynihut shkarkoi trajnerin e portierëve Toni Tapalovic, që është edhe një mik i madh i kapitenit të klubit e Kombëtares gjermane Manuel Neuer.
Tapalovic ishte trajner i portierëve të Bayernit për 11 vjet e gjysmë dhe gjatë asaj periudhe ai punoi me trajnerë të klasit botëror si: Jupp Heynckes, Josep Guardiola, Carlo Ancelotti, Niko Kovac, Hansi Flick dhe Julian Nagelsmann.
Tapalovic u desh të largohej nga Bayern për shkak të mosmarrëveshjeve me trajnerin e Nagelsmann, por tani Tapalovic mund të kthehet në ‘shtëpi’.
Nagelsmann u shkarkua në fund të marsit dhe trajneri i ri Thomas Tuchel nuk ka asgjë kundër kthimit të Tapalovic te gjigandët bavarezë.
Kroati mund të kthehet te Bayerni në verë, para fillimit të sezonit të ri. Në favor të tij është fakti se e njeh shumë mirë Tuchelin dhe do të bashkëpunonte me një tjetër trajner portierësh, Michael Rechner, shkruajnë mediat gjermane.
Discussion about this post