Zyrtarizimi i Benjamin Pavard te skuadra e Interit, e la Bayernin të zbuluar në krahun e djathtë të mbrojtjes, megjithatë gjermanët nuk humbën kohë duke gjetur menjëherë një profil të pranueshëm për të zëvdendësuar një-herë kampionin e botës.
Siç bëjnë me dije mediat gjermane, “rekordmenët” janë shumë pranë akordit me Chelsea për Trevor Chalobah.
Mbrojtësi anglez nuk është në planet e trajnerit Mauricio Pochettino, teksa pëlqehet shumë nga Tomas Tuhel, i cili ishte i pari që e aktivizoi te “Blutë”.
Sipas burimeve palët janë duke kryer negociatat, teksa pritet shumë shpejtë të caktohet dhe data për vizitat mjekësore.
Discussion about this post