Jude Bellingham është epiqendra e merkatos futbollistike botërore. Këtë verë do të ketë një ankand nga disa prej klubeve më prestigjoze në Evropë, por duket se një prej tyre ka hequr dorë dhe është dorëzuar që tani (me këto çmime, nuk i vëmë faj).
Lojtari ka pretendime më të larta se kontrata e tij aktuale. Dhe Liverpool-i po largohet nga nënshkrimi i tij. Të kuqtë e konsiderojnë shumë të lartë çmimin që kërkon Borussia Dortmund në këtë moment, rreth 100 milionë euro. Vetë trajneri i ‘Reds’, Jurgen Klopp, në një konferencë shtypi iu referua pamundësisë për të marrë Bellingham:
“Situata ka qenë gjithmonë e tillë, nuk ka ndryshuar kurrë. Përgjigja ime tani nuk është për Jude Bellingham. Nuk e kuptoj kurrë pse teorikisht flasim për gjëra që nuk mund t’i kemi kurrë, si gjashtë lojtarë në verë për 100 milionë. Ju duhet të punoni me atë që keni. Nuk mund të kërkoja një Ferrari për Krishtlindje kur isha 5 vjeç…
Çfarëdo që kemi nevojë dhe duam përpiqemi absolutisht me gjithçka për ta marrë, por ka raste kur duhet ta pranoni realitetin. Nuk është e mundur ndonjëherë”.
Në Angli e analizuan telenovelën “Bellingham”, gjithashtu. Gjatë transmetimit të ndeshjes mes Manchester United dhe Sevilla në ‘Europa League’, dy ish-lojtarë ranë dakord që anglezi të përfundojë te Real Madrid.
“Unë mendoj se Bellingham do të nënshkruajë për Real Madridin, nuk e di pse. Shpresoj që ai të vijë këtu te Manchester United, sepse është ekipi i duhur”, – tha Paul Scholes drejtpërdrejt.
Discussion about this post