Skuadra e Vllaznisë mundi me shifrat e thella 6-0 Pogradecin në ndeshjen e kthimit të turit të dytë në kupën e Shqipërisë. Trajneri i ekipit shkodran, Tomas Bërdariç theksoi pas ndeshjes se ka në dispozicion një grup solid ndërsa preku disa tematika të ndryshme.
“Jam shumë i lumtur, mendoj se ishte një paraqitje shumë e mirë në total. Në pjesën e parë treguam fytyrë shumë të mirë, ndoshta pas 6 golave në pjesën e parë, ekipi la ndeshjen pas dore dhe nuk vazhdoi paraqitja në pjesën e parë.
Jam i kënaqur, treguan paraqitje mjaft solide. Futëm Çobën sepse nuk luajti në ndeshjen me Shpresat e Shqipërisë. Tani do të gjykojmë ndeshjen, të shohim dhe të përqendrohemi te takimi i radhës pasi është afër.
Çdo ndeshje mund ta përdorim për tu përmirësuar, më vjen mirë që shënuam 6 gola. Për fat të keq pësuam atë gol që mund ta evitonim, por ishte ndeshje e mirë dhe të vazhdojmë më tej.
Flamurtari sigurisht që ishte surprizë, pasi nuk ndodh gjithmonë që në ekip i Kategorisë së Dytë të mposhtë atë të Superiores. Prandaj ky ishte sinjal që ekipet e Superiores duhet të marrë seriozisht çdo kundërshtar dhe sot ne ishim në përqendrimin tonë maksimal dhe dhamë më të mirën.
Për mua është e rëndësishme që çdo lojtar të mësojë nga veprimet e tij. Për mua nuk ishe veprim i mire i Latifit, ndoshta pati disi ndikim në ekip, megjithatë mendoj se është djalë i ri me ego dhe dëshirë për të luajtur futboll dhe do të ketë mbështetjen time maksimale për tu përmirësuar në vazhdim”, u shpreh Brdariç.
Discussion about this post