Kryetari i PD, Sali Berisha, gjatë një konference për mediat mbrëmjen e së mërkurës e ka cilësuar rezultatin e zgjedhjeve të 11 majit, si grabitjen më të madhe të votës në 33 vjet pluralizëm. Berisha tha se “në këto zgjedhje u faktuan në mënyrën më të pakundërshtueshme se sa më e madhe vjedhja dhe korrupsioni aq më shumë ato shndërrohen me votë dhe pas tyre vota në krim.
Rrethi vicioz i krijuar në këtë narkoshtet pati në këto zgjedhje propocione të papara ndonjëherë”, tha Berisha.
Sali Berisha: Falënderoj votuesit që në kushte të vështira votuan si qytetarë të lirë dhe votuan kundër një regjimi që në traditën më antidemokratike e kombëtare ka shndërruar krimin, në faktor kryesor elektoral, krimin në votë dhe votën në krim. Kam mirënjohje për të gjithë komisionerët që u përballën me presionet për të ruajtur votën.
Pati si rezultat final, plaçkitjen grabitjen më të madhe në 33 vitet e pluralizimit. Në këto zgjedhje u faktuan në mënyrën më të pakundërshtueshme se sa më e madhe vjedhja dhe korrupsioni aq më shumë ato shndërrohen me votë dhe pas tyre vota në krim. Rrethi vicioz i krijuar në këtë narkoshtet pati në këto zgjedhje propocione të papara ndonjëherë.
Njeriu që grabiti zgjedhjet, regjimi që grabiti zgjedhjet e 11 majit 2025 nuk e bëri këtë fshehtas, e bëri publikisht duke përdorur për këtë qëllim të gjithë potencialin e narkoshtetit me vendime qeverie. Pra ai shpërndau dhuratë për votë, 70 mln euro, 760 mijë pensionistëve të cilët në hartën aktuale elektorale përbëjnë 48 përqind të votuesbe në shqipëri.
Kjo është shkelja publike më e rëndë më e paprecedentë, cilido që përpiqet të na bindë apo të na kundërshtojë se ky nuk është një megakrim elektoral një blerje e hapur publike e votës, ose është bashkëpunëtor në këto para krimi, ose nuk ka ABC më elementare të parimeve të zgjedhjeve të barabarta dhe të drejta
Discussion about this post