Kreu i PD, Sali Berisha, theksoi se bashkimi i shqiptarëve është thelbësor për të përballuar regjimin. Në një bashkëbisedim me qytetarët, Berisha e përshkroi 20 shkurtin si një ditë për ndërgjegjen dhe guximin e çdo qytetari.
Berisha vuri në dukje se protesta e opozitës është e dukshme ndërkombëtarisht dhe Rama është i izoluar moralisht.
“Ju siguroj se për çdo shqiptar, është një mision i madh. Unë mirëkuptoj hezitimet, mirëkuptoj edhe dëshpërimin, por nga ana tjetër i garantoj shqiptarët se nuk ka rrugë tjetër përveç se të marrin në dorë fatin e tyre dhe të vendit të tyre, për të shpëtuar nga kjo e keqe shumë e madhe. Koha do të provojë dhe nuk dua të bëj profetin, por koha do të provojë se qytetarët shqiptarë, në tërësi, jo të gjithë nuk kanë qenë të vetëdijshëm për masat e mëdha të plaçkitjeve dhe krimeve të kësaj organizate kriminale. Në qoftë se regjimi i parë, diktatura totalitare që përmbysëm, ishte më gjakësorja, më mizorja në Europë, diktatura autoritare që kemi sot është diktatura më kleptokratike në Europë dhe botë.
Janë shkaku në themel i dramës demografike më të madhe ndofta pas mortajës së zezë në vitet 1300.
Sot në Shqipëri lindin më pak fëmijë se në vitin 1930. Sot në Shqipëri lindin 74% më pak se fëmijë se sa në vitin 1991. Sot të rinjtë shqiptarë largohen nga vendi 5 herë më shumë se sa të rintjë e vendeve përreth. Në qoftë se kemi qenë ndonjëherë para alternativës të jemi apo të mos jemi, jemi sot para kësaj alternative. Ndaj dhe unë i ftoj qytetarët shqiptarë të bashkohemi, të ndahemi me këtë të keqe të madhe, shumë të madhe. Ky është një vend i bekuar, me pasuri përrallore, vendi i njerëzve që punojnë, vendi i potencialeve të mëdha. Këtë vend e katandisi në këtë gjendje, trajtimi i pasurive dhe qytetarëve të saj si në një regjim kolonial. Kurrë serbët nuk arritën të shpërngulin në 10 vite nga Kosova, sa arriti Edi Rama të shpërngulë nga Shqipëria. Kurrë!
Ne mbajmë në memorie Çubrilloviçin, armikun e egër, racistin e tërbuar antishqiptar për platformën e tij. Por e vërtata është kjo, që duke përdorur pothuajse politika identike me Çubrilloviçin, Edi Rama dyfishoi largimin e shqiptarëve nga Shqipëria, në raport me atë të Çubrilloviçit nga Kosova. Ndaj dhe 20 shkurti është një ditë për çdo qytetar shqiptar. Është një ditë për ndërgjegjen e çdo shqiptari, është një ditë për guximin e tij. Është një ditë shprese. Në qoftë se shohim, çfarë ishte 10 shkurti? Ishte disa e shpresës së shqiptarëve. Ishte dita që tregoi se, shqiptarët përcollën në mbarë botën revoltën e tyre, vendosmërinë e tyre për të mos u pajtuar me regjimin e tyre. Ndaj ju ftoj në 20 shkurt, të gjithë në Tiranë në rrugët dhe sheshet e saj. Faleminderit,” tha Berisha.
Discussion about this post