Grupi i Berishës ka dorëzuar në KQZ 230 emra për anëtarë të KZAZ-ve, duke kërkuar që vendet e Partisë Demokratike t’i plotësojë ky grupi.
Emrat sapo janë protokolluar nga aministrata e KQZ, por pranimi ose jo i tyre do të vendoset nga Celibashi në seancë publike. Ndërkohë nga ana tjetër, Grupi i PD-së së Alibeajt ka njoftuar se do t’i dorëzojë emrat e saj të hënën.
E pashqetësuar me këto probleme mbetet Partia Socialiste, që do të depozitojë emrat e përfaqësuesve të saj gjithashtu ditën e hënë.
Nuk dihet se cili do të jetë qëndrimi i Celibashit, përderisa Gjykata ende nuk ka dhënë verdiktin e saj përfundimtar se kush e ka të drejtën e vulës së PD-së.
I pyetur se cilën palë do të njohë KQZ-ja në zgjedhje, Celibashi theksoi se do të vlerësohet legjitimiteti i autorizimit në qoftë se do të paraqitet ky propozim nga anëtarë të KZAZ. Ai tha se aktualisht përfaqësues ligjorë janë Marash Logu dhe Indrit Sefa, por se ka komunikime edhe me Ivi Kason dhe përfaqësues të tjerë të PD.
“Ne kemi komunikim institucional me PD-në. Deri në momentin që flasim përfaqësues i PD në KQZ është Marash Logu dhe Indrit Sefa. Kemi komunikime të karakterit profesional qoftë me Ivi Kason dhe përfaqësues të tjerë të PD.
Ne do të vlerësojmë legjitimitetin e atij që përcjell dokumentacion në KQZ. Në kuptimin është apo nuk është ky person me tagër për të sjellë në emër të PD-së kërkesa të ndryshme, propozime. Sot është përfaqësues i PD-së në KQZ, janë përfaqësues dy zotërinjtë të cilët unë përmenda. Do jenë këta nesër, pasnesër në vijim nuk e them dot. Autorizimi që ata kanë është në përputhje me parashikimet e Kodit Zgjedhor.
Discussion about this post