Ish-kryeministri, Sali Berisha ,ka dalë sot një konferencë për mediet nga ku ka bërë një gafë, duke menduar se po regjistrohej por më të vërtetë ishte live. Gjatë fjalës së tij, Berishai porositi delegatët të vishen trashë dhe të përgatiten fortë për atë çka do të ndodh nesër në Kuvend dhe për shkak se moti nuk do të jetë i mirë.
“Natyrisht shiu nuk bie në zonën ku jemi ne si delegatë por klima është kjo që ju e shihni vetë. Ftoj të gjithë ata delegatë të PD, drejtues të saj kryesor duke përfshirë edhe kryetarin e saj në letër Lulzim Basha, të gjithë drejtuesit dhe deputetët e PD, të gjitha ata që mendojnë ndryshe nga ne të vijnë nesër në rithemelimin e forcës sonë politike. Ky Kuvend është i të gjithë demokratëve, ftoj të gjithë anëtarët e PD që kanë mbështetur fuqishëm lëvizjen për një PD më të fortë e të bashkuar, dhe më të hapur, por edhe ata që e kanë parë me skepticizëm të vijnë nesër për të ndjekur në stadiumin ‘Air Albania’ për të ndjekur këtë moment të rëndësishëm të historisë, rivendosjen e pluralizmit politik”, tha ai.
Një moment Berisha e ndërpreu fjalimin e tij dhe kërkoi që ta rilexonte edhe njëherë fjalimin pa përfshirë këtë porosi. Dua ta përsëris dhe një herë, atë pjesën që të vishen trashë“, tha Berisha. Por dikush i ka thënë që është live dhe në atë moment është ndërprerë menjëherë lidhja direkte.
Discussion about this post