Lideri i Partisë Demokratike Sali Berisha në komunikimin me gazetarët ka folur për protestën e rradhës. Ai zbuloi ndër të tjera se ka dhe një propozim për Kryesinë. Sipas Berishës, duhen paraqitur problemet që po përballen shqiptarët në mënyrën më paqësore dhe dinjitoze.
“Sot është mbledhja e Kryesisë dhe në mbledhjen e Kryesisë unë do të sugjeroj vendimin për protestën e radhës. Europa vjen në Tiranë, Shqipëria duhet të vijë në Europë në Tiranë, ky është koncepti im për të paraqitur të gjithë këto probleme të tmerrshme që po përballën shqiptarët, në mënyrën më paqësore, më dinjitoze dhe duke garantuar asnjë lloj vështirësie përveçse mikpritje për samitin e krerëve të qeverive dhe vendeve të BE-së, por duke nderuar Shqipërinë me një përfaqësim tjetër nga ai që bën Edi Rama të qytetarëve shqiptare për të sjellë në arenë problemet e tmerrshme madhore me të cilat përballen shqiptarët sot, nga një plaçkitës i votës. Nga një njeri që ka vendosur monizmin politik në Shqipëri dhe që vjedh në mënyrën më të paimagjinueshme fondet publike. Cila do jetë dita do e përcaktojë kryesia. Por ky është një rast për çdo shqiptar, opozitarë e socialistë, të gjithë për të sjellë në skenë problematikën e madhe me të cilët përballen ata”, tha Berisha.
Ai theksoi se protesta e parë tronditi themelet e narkoshtetit. “Tronditi monizmin e plot. Protesta e dytë, them, vare nga dita se nuk është caktuar akoma. synon të sjellë në skenë problematikën e tmerrshme që kanë shqiptarët për shkak të kësaj qeverie me në krye Edi Ramën, të vërtetat e mëdha të kombit duhet të dalin një nga një. Është e vërtetë se është një ngjarje e rëndësishëm për vendin e diktuar nga gjeopolitika por është e vërtetë se populli që paraqitet si popull gomonesh, të thotë të vërtetat e tij në mënyrë demokratike. Ne nuk kërkojmë…protesta do të jetë qëllimi i saj. Populli i gomoneve është bërë nga Edi Rama, ndaj duhet të paraqitemi me dinjitet, civilitet, si avoketër të pamposhtura të demokracisë dhe vlerave para Europës. Por datën mos e merrni si datë të përcaktuar, pasi do ta vendosë kryesia”, u shpreh Berisha.
Discussion about this post