Kreu i PD-së Sali Berisha gjatë fjalës së tij mbrëmjen e sotme, i ka bërë një premtim publik të gjithë emigrantëve shqiptarë, në momentin që PD do të vijë në pushtet.
Berisha tha se pas kthimit në pushtet të Partisë Demokratike, do të miratohet kuadrin ligjor për investimin e emigrantëve në Shqipëri, dhe me qëllimin që ata të rikthen në atdhe.
“Edhe njëherë mendove se do ti joshësh ata, siç josh këtu ndonjë lake tëndin që lëpin kockat që u hedh çdo ditë me çështjen Beleri.
Ata kanë vite e dekada në një vend të lirë dhe demokratik. Ata e dinë siç duhet ta dijë çdo shqiptar se prezumimi i pafajësisë është ligj universal pa të cilin nuk ka liri dhe se ti ja mohon këtë parim kundërshtarëve të tu politik.
E bën këtë se Beleri në detyrë do të nxjerrë të gjithë defterët e pista të tuat dhe të hajdutëve të tu, plaçkitje që u ke bërë pronave të himarjotëve dhe qytetarëve të bregut.
Fole e stërfole, të dëgjoi Pirini, të dëgjuan bashkëhajdutët e tu. Krahasove emigrantët shqiptarë me çamët, banorë shekullorë të Çamërisë. Gjer sot nuk kisha dëgjuar kurrë. Vetëm një mendje e sëmurë si e jotja mund të bëjë një krahasim të tillë.
Miqtë e mi!
Më lejoni këtu para jush të ftoj nga zemra, diasporën dhe emigracionin të vijnë në Tiranë, të bashkohemi në këtë betejë për nënë Shqipëi, në këtë betejë për kombin tonë, në këtë betejë për të ardhmen tonë.
Emigrante dhe emigrantë kudo që jeni, mos harroni se ishin vitet 2008-2012 në të cilat ju vërshuat drejt vendit tuaj. Mbi 200 mijë familje emigrantë nga të katër anët e Europës u rikthyen në Shqipëri, me një kuadër ligjor që i mbronte ata të prosperonin me biznesin e tyre.
Partia Demokratike ju jep fjalën ju se pas kthimit në pushtet, kuadri ligjor special dhe i veçantë do të jetë për çdo emigrant.
Ju erdhët në Shqipëri sepse e gjenit vendin 5 vite pa taksa. Përsëri do të vini me një kuadër ligjor, më të mirin, më tërheqësin për investimet tuaja, për punësimin tuaj, për dinjitetin tuaj”, tha Berisha.
Discussion about this post