Ish-kryeministri Sali Berisha ka hedhur akuza ndaj Olsi Ramës për të cilin tha se është “bixhozxhiu” më i madh në Ballkan duke paralajmëruar rihapjen e basteve sportive.
Gjatë një deklarate për mediat, Berisha tha se qarkullojnë lajme se Ardi Veliu paguhet 30 mijë euro/muaj, ndërsa theksoi se Gledis Nano u largua me firmë të kryeministrit Edi Rama.
“Implikimi i Olsi Ramës në Call Center është publike, është e njohur nuk është gjë e re. Këtë e sollën autoritete ligj-zbatuese gjermane. Edi Rama dyshon se nxori sekretin unë këtë se di. Bixhozxhiu më i madh i Shqipërisë në Ballkan është Olsi Rama dhe për pasojë familja Rama. S’ka asnjë sekret këtu. Kurse ministri i familjes, nëse u kujtohet kur u akuzua si anëtar i presidenti i skafeve ai tha që ka pasion varkat me vela por pastaj doli që shoqata e tij transportonte drogë në Itali 2.2 tonë, sasi kolosale. Kjo është evidente. Çfarë do ministri në një shoqatë që transporton drogë, a përbën një imunitet për këtë shoqatë, ministri është i familjes, ju e patë që iku Gledis Nano, unë kam një respekt të veçantë për të, pasi largimi i tij ishte politik sepse u shkel në kallo”, u shpreh Berisha.
Discussion about this post