Kryetari i Partisë Demokratike, Sali Berisha, denoncoi atë që e quajti buxhetin 2025 si buxhetin e vjedhjeve më të mëdha ndaj qytetarëve.
“Në këtë buxhet prej 8 miliardë eurosh, i cili de facto bën të mundur dyfishimin e të gjitha rrogave dhe pensioneve në Shqipëri, por le të themi me dorë të kursyer rritjen me 50 për qind të tyre pa asnjë vështirësi, parashikohet jo kjo, por parashikohet një vjedhje e tmerrshme e këtyre shumë miliardave euro të qytetarëve shqiptarë”, tha Berisha në një konferencë për mediat.
“Buxheti prej 8 miliardë euro shënon fatkeqësinë e madhe të radhës për shqiptarët pasi ky buxhet në të gjitha punët publike të tjera, përveç rrugëve, shkollat, qendrat shëndetësore, çerdhet, zyrat, etj., parashikon një kosto 6 gjer në 10 herë më të lartë se sa në mesataren e BE .Pra, parashikon një vjedhje, po të kemi parasysh dhe rrogat, 70 gjer në 94 për qind të të gjithë investimeve që bëhen në këto objekte. Kurrë ndonjëherë një qeveri nuk ka vjedhur në mënyrë kaq të pamëshirë qytetarët e vet”.
Discussion about this post