Kreu i Partisë Demokratike, Sali Berisha priti sot në një takim ish-deputetin Eduart Ndocaj, i cili mban postin e Sekretarit të Përgjithshëm të Aleancës Demokristriane.
Mësohet se gjatë takimit u diskutua rreth situatës politike në vend, nivelit të krimit të organizuar, korrupsionit, uljes së nivelit të jetesës dhe skamjes që po përjetojnë një pjesë e shqiptarëve.
Bëhet me dije se Ndocaj si përfaqësues i Partisë Aleanca Demokristiane tha se nuk do të pushojë së luftuari që pensionet minimale të jenë jo më pak se 300 mijë lekë të vjetra.
Në përfundim të takimit, Berisha u shpreh i gatshëm për bashkëpunim në kuadër të një koalicioni me Partinë Aleanca Demokristiane dhe firmosjen e një akt marrëveshjeje midis PD dhe ADK-së.
Discussion about this post