Kreu demokrat, Sali Berisha, nga Kamza ku zhvilloi takimin e rradhës me mbështetësit e tij, tha se në zgjedhjet e fundit, me para nën dorë, partia e Doshit u rrit 240%.
Berisha tha se Edi Rama nuk i fitoi zgjedhjet, ai që vjedh, nuk fiton kurrë, por vjedh
“Unë nuk dua të mbuloj asnjë të metë të PD-së, por të gjithë ata që i thonë të vërtetës të vërtetë, në rast se diferenca ishte 110 mijë vota, shpërndarja e 683 mijë zarfave në mes të fushatës elektorale për pensionistët, shpërndarja e dhjetëra milionë eurove për meremetimet nga tërmeti në mes të fushatës elektorale.
Dhënia e dhjetëra mijëra lejeve, licencave dhe legalizimeve, të gjitha këto në kundërshtim absolut me ligjin.
Heqja nga fletëvotimi i PD-së dhe i kryetarit të saj.
Përdorimi i bandave për të terrorizuar qytetarët, banda që kanë vrarë 20-25 vetë, shpërndarja e dhjetëra qindrave milionë eurove nën dorë.
Vetëm një parti e cila nuk ka bërë asnjë takim në tërë ekzistencën e saj, por shkon me thasë me para, partia e Doshit, u rrit në 2 vite, 240%. Ju mendoni se Toma është pareliu më i madh? Jo nuk është. Ai fiton 3 mijë tendera në vit nga Rama dhe një pjesë të parave që fiton i kthen në vota.
Por Edi Rama, qeveria janë ato që kanë para më shumë”, tha Berisha.
Në vijim, ai shtoi se Edi Rama ka frikë nga hetimi parlamentar, pasi thjeshtra e tij, ka fituar 50 tendera, gjë që bie ndesh me Kushtetutën.
“Kushtetuta ka përcaktuar mekanizma të qarta se si ju kontrolloni qeverinë. Ju e kontrolloni qeverinë nëpërmjet deputetëve tuaj të cilëve Kushtetuta u njeh të drejtën e pamohueshme të ngritjes së Komisioneve Hetimore Parlamentare dhe për të nxjerrë në dritën e diellit të gjithë veprimtarinë e qeverisë.
8 komisione janë kërkuar. Që të 8 në mënyrën më antikushtetuese i ka mohuar, nuk ka lejuar Edi Rama.
Po pse? Sepse që të 8 ato në epiqendër të kontrollit kishin direkt Edi Ramën. Unë nuk them vetëm atë se çdo komision hetimor parlamentar ka autoritetin të hetojë cilin do dhe nuk mund ta kufizojë kush.
Edi Rama ka frikë, ka tmerr nga hetimi i parlamentit. Edi Rama nuk mund të pranojë sepse me firmat ‘fët e fët, e fap, fap, fap’, ka vjedhur qindra milionë dhe miliarda.
Dhe kalon çdo gjë duke gënjyer para jush se nuk është e vërtetë se njeri nga familja ime ka fituar tendera.
Shumë shpejt do të ju tregoj ju se 50 tendera vetëm thjeshtra, kompanitë e thjeshtrës gjë e cila është e ndaluar me kushtetutë.
Nuk po flas me baxhanakun që ka 100 e ca, por ajo që është pjesë e familjes së ngushtë”, tha Berisha.
Ish-Kryeministri, duke u ndalur te buxheti i 2024, tha se 400 mln euro do të shpenzohen në Porto Romano, që Rama të marrë 1.4 mln metër2 tokë për të ndërtuar 12 mijë apartamente
“Shkoi e pa Dubain, pa dhe mbretin atje dhe tha do bëj Dubain në Durrës. Dhe për të bërë Dubain në Durrës do të marrë 1.4 mln metër katrorë tokë publike dhe portin e çon në Porto Romano.
Vetëm këtë vit 400 mln euro nga buxheti juaj do të shpenzohen në Porto Romano në mënyrë që ky të marrë 1.4 mln metër katror tokë për të ndërtuar 12 mijë apartamente.
Asnjë sulltan nuk mund të veprojë, siç vepron ky, por ky kontrollon të gjitha pushtetet”, tha ai.
Discussion about this post