Ndër akuzat që ka adresuar ndaj kreut të PD-së, ish-kryeministri Sali Berisha ka thënë se Basha nuk e ka përmendur asnjëherë emrin e Suel Çelës, një prej personat e shpallur në kërkim në qytetin e Elbasanit. Ndërkohë kjo rezulton të jetë një deklaratë e pasaktë e ish-liderit të PD, pasi në një hulumtim të deklaratave të kryetarit të Partisë Demokratike, Lulzim Bashës është zbuluar një deklaratë e tij që ka denoncuar pikërisht Suel Çelën në vitin 2015, 2 ditë para zgjedhjeve lokale.
Në këtë deklaratë, Basha është ka thënë se Suel Çela është një nga njerëzit më të rëndësishëm të krimit të organizuar në Elbasan dhe ai ka qenë vazhdimisht në krye të bandave të grabitjes së votave për llogari të Qazim Sejdinit e Edi Ramës.
“Ditë për ditë, orë për orë degët e PD kanë monitoruar, vëzhguar dhe dokumentuar në 10 buletine elektorale shkeljet e Policisë së Shtetit dhe incidentet me banda që policia nuk ka vepruar për t’i dokumentuar, për t’i ndaluar apo për t’i ndjekur penalisht, siç është rasti i mbrëmshëm i Elbasanit, të cilin e verifikova vetë ku katër persona të armatosur drejtuar nga Suel Çela, bandit i mirënjohur i sjellë enkas nga Britania e Madhe, nga oktapodi i Elbasanit Qazim Sejdini, terrorizoi një lagje të tërë banorësh romë me persona të armatosur me kallashnikovë, siç tregojnë qartë dëshmitë e shpërndarë edhe për media, që besoj se do t’i transmetoni në kronikën e lajmeve në vijim. Policia e Elbasanit refuzon t’i ndalojë, nga inicialet asnjë nga personat që kanë bërë këtë akt makabër natën e mbrëmshme nuk është ndaluar. Pra, personat që terrorizojnë qytetarët dhe aktivistët e opozitës vazhdojnë të lëvizin nën hundën e policisë” – është shprehur ndër të tjera Lulzim Basha më 19 qershor 2015.
Kujtojmë se në disa takime të mbajtura me demokratët, edhe në “Foltoren” e djeshme në Kurbin, ish-kryeministri Sali Berisha e ka akuzuar liderin e PD-së se nuk e ka denoncuar kurrë Suel Çelën publikisht. Akuzat për Suel Çelën kanë filluar që në momentin kur Partia Demokratike para disa javësh, kishte marrë informacione se Çela kishte bërë presion ndaj anëtarëve të PD-së në Elbasan, duke i detyruar për të firmosur formularët për mbledhjen e Kuvendit, të thirrur nga Berisha më 11 dhjetor.
Discussion about this post