Kryetari i Partisë Demokratike, Sali Berisha ka hedhur akuza të forta ndaj Xhorxh Soros për ndikimin e tij në Shqipëri.
Berisha u shpreh se, Soros është një monstër që tejkalon edhe Karl Marksin. ‘Pasi i dorëzoi drejtësinë Ramës, vendosi t’i dorëzojë edhe opozitën’, tha Berisha, por reagimi i demokratëve bëri që ky projekt i Sorosit të mos realizohej.
“Në një moment të caktuar, Xhorxh Soros, një monstër e vërtetë e njerëzimit, i cili në pikëpamjet e tij tejkalon Marksin, vendos që t’i dorëzojë, pasi i dorëzojë drejtësinë, t’i dorëzojë opozitën Edi Ramës, Makbethit, njeriut pa cilësi.
Dhe atëherë t’i rrëmbejnë sovranitetin e brendshëm shqiptarëve.
Dhe kjo është një gjë e paimagjinueshme.
Nuk mund të imagjinohej që vendi i madh i lirisë, që ka bërë më shumë se kushdo tjetër në lirinë e shqiptarëve, të punojë për vendosjen e narkokracisë.
Është një kryevepër e rrallë, tejkalon të gjithë letërsinë politike të shkrimtarëve që u morën me mobokracitë.
Unë kam bindjen se narkodiktatura shqiptare në oborrin e Europës përbën një thirrje për njerëzit e lirë kudo.
Europa pasi shembi diktaturat komuniste, nuk kishte njohur narkodiktatura apo mobokraci, por kjo u zhvillua në sytë e Europës, në apatinë e pafalshme të saj, në diktatin e monstrës së njerëzimit që quhet Xhorxh Soros.
A mund të imagjinoni ju miq, që miq të mi, që njohin gjithçka nga ky realitet, nuk duan që të flitet më zë të lartë kundër Sorosit.
Pse? Se ai është kryekorruptori i planetit.
Një nga ndjenjat e përçmimit maksimal që kam ndaj atij njeriut është për shkak të blerjes së politikanëve.
Ne kemi jetuar 5 shekuj në perandori, dhe perandoria çonte njerëzit me qese, u jepnin verdhushkat dhe pastaj vazhdonin operacionet ushtarake.
Xhorxh Sorosi çonte paratë te politikanët dhe më pas ideologjinë e tij më ekstremiste se vetë Marksi. Ideologjinë e shpërbërjes së identitetit njerëzor.
Tejkaloi çdo lloj imagjinate”, u shpreh ndër të tjera Berisha.
Discussion about this post