Kryetari i Partisë Demokratike Sali Berisha ka pritur në një takim, bashkëthemeluesin e Ligës Qytetare Shqiptaro-Amerikane me Joseph Dioguardin dhe veprimtarin e shquar të Shoqatës atdhetare Shqiptaro -Amerikane, Vatra, Agim Aliçkaj.
Njoftimin për këtë takim e ka bërë në faqen e tij në Facebook vetë lideri historik i demokratëve.
“Unë prita në një takim të veçante personalitetin e shquar të diasporës tonë, bashkëthemeluesin e Ligës Qytetare Shqiptaro Amerikane me Joseph Dioguardin dhe veprimtarin e shquar të Shoqatës atdhetare Shqiptaro-Amerikane, Vatra. Në takim, unë i shpreha zotit Aliçkaj mirënjohjen time për kontributin e çmuar të tij dhe familjes së tij dhe të Lidhjes Qytetare Shqiptaro – Amerikane dhe Vatrës në mbrojtjen e çështjes Kombëtare, çlirimin e Kosovës dhe demokracisë në Shqipëri.”
Nga ana tjetër, në fjalën e tij Berisha është shprehur se në takimin mes tyre kanë diskutuar lidhur me situatën e vështirë që po kalon kombi shqiptar në ditët e sotme, pas shndërrimit të Tiranës nga Edi Rama.
“Një falënderim të veçantë i bëra zotit Agim Aliçkaj për sponsorizimin dhe promovimin e librave të Profesor Nusret Pllanës kushtuar gjenocidit ciklik serb, të filluar nga mesi i shekullit të 19-të deri në fundin e shekullit të 20-të. Në takim diskutuam lidhur me situatën e vështirë që po kalon kombi shqiptar sot pas shndërrimit të Tiranës nga Edi Rama, vasal i serbomadhit Vuçiç, në Beogradin e Vogël. Biseda ishte e hapur dhe kaloi me mirëkuptim të plotë.”
Discussion about this post