Takimi i radhës i ish-kryeministrit Sali Berisha do të mbahet në qytetin e Elbasanit. Vendtakimi i radhës është konfirmuar sot menjëherë pas fjalës së liderit historik të Partisë Demokratike, por nuk kanë vendosur asnjë datë.
Ditën e sotme ish-kryeministri pati një takim me banorët në qytetin e Gjirokastrës. Ai e nisi fjalën duke sulmuar kryeministrin Edi Rama dhe duke bërë ata përgjegjës për largimin masiv të shqiptarëve.
“Ai që mori mandatin e tretë është vrasës i pashpirt i shpresës së të rinjve shqiptarë dhe ndaj ata largohen dhe vetëm largohen”, tha ai.
Ndërsa orari për në Elbasan pritet që të jetë i njëjtë, ora 18:00.
