Presidenti i ri, Bajram Begaj para se të merrte zyrtarisht detyrën si kryetar i ri i Shtetit dhuroi disa momente romantike me bashkëshorten e tij, Zonjën e Parë, Armanda. I shoqëruar nga familja, presidenti i zgjedhur Begaj, zgjodhi t’i drejtohej Kuvendit i kapur për dorë me gruan e tij. Kjo është një panoramë krejt ndryshe nga ajo e ish-presidentit Ilir Meta, i cili u braktis nga bashkëshortja e tij Monika Kryemadhi ndërsa Zonjë e Parë e Shtetit, ishte vajza e tij, Era.
Armanda kishte veshur një fustan klasik ngjyrë bojëqielli, i mbyllur në pjesën e sipërme, me mëngë treçerekshe dhe në fund qëndronte i derdhur.
Kush do të jetë Zonja e Parë e Shqipërisë?
Ajo quhet Armanda dhe ka lindur në vitin 1968. Ajo punon në Kontrollin e Lartë të Shtetit, në rolin e IT.
Armanda nuk është e njohur për publikun, por ka qenë pjesë e aktiviteteve, ku Bajram Begaj është nderuar me grada të larta.
Armanda Begaj do të jetë “Zonja e Parë” pas betimit të bashkëshortit si President i Republikës më 24 korrik.
Discussion about this post