Rastet pozitive me Covid-19, krahasuar me një ditë më përpara janë rritur me 13 raste, ku rezultuan pozitiv 82 qytetarë nga 851 testime që janë kryer në 24 orët e fundit.
Ministria e Shëndetësisë bën me dije së nuk është regjistruar asnjë viktimë. Sakaq gjatë 24 orëve janë shëruar 71 qytetarë duke e çuar numrin e të shëruarve në 269,787 që nga fillimi i epidemisë.
Janë 480 pacientë aktivë me COVID-19 në të gjithë vendin. Aktualisht në spitalin COVID3 po marrin trajtim 16 pacientë, nga të cilët 1 është në gjendje më të rënduar.
Kujtojmë që ditën e sotme Komiteti Teknik i Ekspertëve ka prezantuar masat e reja për përballimin e pandemisë. Rakacolli bëri me dije se do të hiqet kufizimi për grumbullimet deri në 50 persona, ndërsa mbetet në fuqi maska në ambientet e mbyllura.
Ndër të tjera, zëvendësministrja e Shëndetësisë Eugena Tomini bëri thirrje për rritjen e shifrave të vaksinimit në vendin tonë, që me të dy dozat, nuk e kalojnë as shifrën e 50%. Sa i takon rasteve ditore ato mbeten të ulëta, fakt ky që konfirmohet dhe numri i pakët i shtrimeve spitalore.
Discussion about this post