Presidenti i Shteteve të Bashkuara të Amerikës, Donald Trump ka pasur një reagim pas bisedimeve mes SHBA dhe Ukrainës ditën e sotme në Arabinë Saudite, bisedime të cilat rezultuan të suksesshme siç deklaruan të dy palët.
Gjatë fjalës së tij nga ambientet e jashtme të Shtëpisë së Bardhë, Trump është shprehur se dëshiron që lufta në Ukrainë të përfundojë. Trump ka thënë se SHBA-të do të takohen me Rusinë shumë shpejt.
Mes të tjerash Presidenti Trump ka konfirmuar gjithashtu se do të ftonte Volodymyr Zelenskyn përsëri në Shtëpinë e Bardhë.
Trump tha gjithashtu se shpreson të ketë një armëpushim total në ditët në vijim.
Discussion about this post