Eneo Bitri, ish-futbollisti i skuadrës së Partizanit aktualisht pjesë e Astanës në Kazakistan ka analizuar situatën aktuale tek kryeqytetasit. Ai ka theksuar se Partizani ka qenë i pafat në startin e kampionatit si dhe është ndalur tek mangësirat e të kuqve.
“Për mendimin tim, ekipit i ka munguar fati sepse kanë prodhuar futboll dhe statistikat e tregojnë këtë. Mendoj se është edhe çështje përqendrimi, asgjë më tepër. Partizani i ka kualitetet e duhura për të rikuperuar pikët e lëna sepse janë skuadër e fortë dhe me karakter.
Edhe mungesat kanë bërë që ekipi të mos jetë i plotë dhe e vuajnë bashkëpunimin sepse nuk kanë shumë kohë që luajnë bashkë.
Sapo ka nisur kampionati dhe është gjithçka e hapur. Kam besim se Partizani do të luftojë për vendin e parë sepse nuk i mungon asgjë për të përsëritur suksesin e pak viteve më parë. Ka shumë ekipe të forta këtë sezon.
Është kampionat interesant sepse janë disa skuadra, që kanë shpallur pretendimet për vendin e parë. Për këtë arsye, nuk mund të veçoj njërën prej tyre si më të fortën”, përfundoi Bitri.
Discussion about this post