Bjellorusia nuk është një kundërshtar i panjohur për Kombëtaren shqiptare. Gjatë gjithë historisë kuqezinjtë janë përballur 7 herë dhe kanë një bilanc pozitiv me 3 fitore, 2 barazime dhe 2 humbje.
Madje në 4 sfidat e fundit Shqipëria ka dominuar me 3 fitore dhe 1 barazim.
Duelet kundër bjellorusëve datojnë që në vitin 2006, me ndeshjet e vlefshme për eliminatoret e Europianit që prodhuan një barazim 2-2 dhe një humbje.
Fitorja e parë e kuqezinjve erdhi në marsin e vitit 2011 në stadiumin “Qemal Stafa” me golin e Hamdi Salihit, kur ekipi drejtohej nga Josip Kuzhe dhe ka bërë një nga paraqitjet më të mira në histori duke dominuar totalisht ndeshjen.
Së fundmi, në duelet e vlefshme për Ligën e Kombeve, Shqipëria ka fituar si në transfertë ashtu edhe në shtëpi me rezultatin 0-2 dhe 3-2.
Kuqezinjtë vijnë nga një moment negativ me 5 humbje radhazi dhe duan të ndryshojnë trendin në ndeshjen debutuese të Nations League të këtij sezoni.
Sfida kundër Bjellorusisë do të luhet sot në “Air Albania” n orën 20:45.
BILANCI ME BJELLORUSINË
Bjellorusi-Shqipëri 2-2
Shqipëri-Bjellorusi 2-4
Bjellorusi-Shqipëri 2-0
Shqipëri-Bjellorusi 1-0
Bjellorusi-Shqipëri 0-0
Bjellorusi-Shqipëri 0-2
Shqipëri-Bjellorusi 3-2
Discussion about this post